BIKKI NEWS ( NOV. 09) : Group 4 final result and appointment orders. గ్రూప్ – 4 ఉద్యోగ నోటిఫికేషన్ ద్వారా 8180 ఉద్యోగాలకు సంబంధించిన తుది నియామకాలను అతి త్వరలోనే చేపడతామని డిప్యూటీ సీఎం బట్టి విక్రమార్క ఒక ప్రకటనలో తెలిపారు.
Group 4 final result and appointment orders
రాష్ట్రంలో ప్రజాప్రభుత్వం ఏర్పడి ఒక సంవత్సరం పూర్తి అవుతున్నందున నవంబర్ 14 వ తేదీ నుండి డిసెంబర్ 9 వ తేదీ వరకు 26 రోజుల పాటు రాష్ట్ర వ్యాప్తంగా పెద్ద ఎత్తున ప్రజా విజయోత్సవాలను నిర్వహించడం జరుగుతుందని ప్రకటించారు
గత పది నెలల్లో ముఖ్యమంత్రి నాయకత్వంలో ప్రజా ప్రభుత్వం ఊహకందని అభివృద్ధి, సంక్షేమ కార్యక్రమాలు, విప్లవాత్మక నిర్ణయాలు అములు చేసిందని, అందుకుగాను ఈ విజయోత్సవ ఉత్సవాలు నిర్వహిస్తున్నట్లు ప్రకటించారు.
ఈ ఉత్సవాల నిర్వహణపై ఏర్పాటు చేసిన క్యాబినెట్ సబ్ కమిటీ సమావేశం నేడు సచివాలయంలో నిర్వహించడం జరిగింది.
ఈ సమావేశంలో మంత్రి పొన్నం ప్రభాకర్, రాష్ట్ర ప్రభుత్వ సలహాదారులు కే. కేశవ రావు, వేం నరేందర్ రెడ్డి, రాష్ట్ర ప్రభుత్వ ప్రధాన కార్యదర్శి శాంతి కుమారి, రాష్ట్ర సాహిత్య అకాడమీ అధ్యక్షురాలు అలేఖ్య పుంజాల, ప్రజాకవి జయరాజ్, వివిధ శాఖల కార్యదర్శులు హాజరయ్యారు.
