BIKKI NEWS (NOV. 13) : free dsc coaching in andhrapradesh. ఆంధ్రప్రదేశ్ రాష్ట్రంలోని బీసీ స్టడీ సర్కిళ్ల ద్వారా అన్ని పోటీ పరీక్షలకు ఉచితంగా శిక్షణతో పాటు 2500/- రూపాయల స్టైఫండ్ ఇవ్వనున్నట్లు బీసీ సంక్షేమశాఖ మంత్రి సవిత తెలిపారు.
free dsc coaching in andhrapradesh
సచివాలయంలో అధికారులతో ఆమె సమీక్ష నిర్వహించారు. త్వరలో జరగబోయే మెగా డీఎస్సీకి సంబంధించి 26 జిల్లా కేంద్రాల్లో స్టడీ సర్కిళ్ల ద్వారా శిక్షణ అందించేందుకు ఏర్పాట్లు చేస్తున్నామని పేర్కొన్నారు.
డీఎస్సీ శిక్షణ కాలంలో ఒక్కో అభ్యర్థికి స్టైఫండ్ కింద రూ.1,500, మెటీరియల్ కొనుగోలుకు రూ.1,000 అందిస్తామన్నారు. ఇప్పటికీ కొన్ని జిల్లాల పరిధిలో స్టడీ సర్కిళ్లు ఏర్పాటు చేయలేదని, వెంటనే వాటి ఏర్పాటుకు చర్యలు తీసుకోవాలని అధికారులను ఆదేశించారు.
