హైదరాబాద్ (ఫిబ్రవరి – 23) : తెలంగాణ రాష్ట్రంలో గ్రూప్-3 (tspsc group 3 notification) సర్వీసుల నోటిఫికేషన్ కు ఒక పోస్టుకు సగటున 390 మంది పోటీపడనున్నారు. గ్రూప్-3 దరఖాస్తు గడువు ముగిసిన తర్వాత మొత్తం 1,375 పోస్టులకు 5,36,477 మంది దరఖాస్తు చేసుకున్నారు.
ఈ పోస్టులకు జనవరి 24 నుంచి ఆన్లైన్లో దరఖాస్తుల స్వీకరణ మొదలుకాగా చివరి మూడు రోజుల్లో 90,147 మంది దరఖాస్తు చేశారు. చివరి 24 గంటల్లో 58,245 దరఖాస్తులు వచ్చాయి.
దరఖాస్తు గడువు ముగియడంతో టీఎస్పీఎస్సీ వెబ్సైట్ నుంచి ఆన్లైన్ లింకును తొలగించింది. అభ్యర్థుల ఫీజు చెల్లింపుల వివరాలు సర్వర్ నుంచి ఖరారైన తరవాత దరఖాస్తుల సంఖ్యలో స్వల్ప మార్పులు జరిగే అవకాశాలున్నట్లు తెలిసింది.
