హైదరాబాద్ (జనవరి – 21) : తెలంగాణ రాష్ట్ర పబ్లిక్ సర్వీస్ కమిషన్ (TSPSC) కళాశాల విద్యాలో 491 డిగ్రీ లెక్చరర్ (అసిస్టెంట్ ప్రొపెసర్) పోస్టుల భర్తీకి (Tspsc 491 degree lecturers notification status) )డిసెంబర్ – 31 – 2022న నోటిఫికేషన్ విడుదల చేసింది. అయితే ఇప్పటివరకు దరఖాస్తు ప్రక్రియ మొదలుపెట్టలేదు.
ఈ నోటిఫికేషన్ ద్వారా డిగ్రీ లెక్చరర్ పోస్టుల భర్తీకి పలుమార్లు ఆన్లైన్ దరఖాస్తు ప్రక్రియను వాయిదా వేయడం జరిగింది. తదనంతరం అన్ని నోటిఫికేషన్లకు దరఖాస్తు ప్రక్రియ ప్రారంభమై ఎంపిక ప్రక్రియ జరుగుతున్న డిగ్రీ లెక్చరర్ పోస్టులకు మాత్రం దరఖాస్తు ప్రక్రియ ప్రారంభం కాలేదు.
ఈ నేపథ్యంలో నూతన ప్రభుత్వం ఏర్పడటం, నూతన టిఎస్పిఎస్సి కార్యవర్గం కూడా ఏర్పాటు కానుండడంతో 491 డిగ్రీ లెక్చరర్ పోస్టుల భర్తీపైన నిరుద్యోగులు ఆశలు పెట్టుకున్నారు. మొత్తం 17 సబ్జెక్టులలో ఈ పోస్టులను భర్తీ చేయనున్నారు.
