BIKKI NEWS (NOV. 19) : Degree semester exams as per schedule in telangana. తెలంగాణ రాష్ట్రంలో నేటి నుండి జరగాల్సిన డిగ్రీ 3, 5 సెమిస్టర్ ఎగ్జామ్స్‌ షెడ్యూల్ ప్రకారం జరుగుతాయని ఉన్నత విద్యా మండలి ప్రకటించింది. ఫీజు రీయింబర్స్‌మెంట్‌కు సంబంధించి ప్రైవేటు డిగ్రీ, పీజీ కాలేజీ యాజమాన్యాలతో జరిగిన చర్చలు సఫలమయ్యాయని వెల్లడించింది.
Degree semester exams as per schedule in telangana
ఫీజు రీయింబర్స్మెంట్ బకాయిల విడుదల డిమాండ్‌తో డిగ్రీ కాలేజీల యాజమాన్యాలు ఆందోళన బాట పట్టిన విషయం తెలిసిందే. నేటి నుంచి నిరవధిక బంద్‌కు పిలుపునిచ్చాయి. డిగ్రీ సెమిస్టర్ పరీక్షలను కూడా బహిష్కరిస్తున్నట్టు చెప్పాయి. ప్రభుత్వం రూ.2వేల కోట్లు విడుదల చేసే వరకు బంద్‌ కొనసాగుతుందని స్పష్టం చేశాయి.
గడిచిన రెండేళ్లుగా ఫీజు రీయింబర్స్మెంట్ నిధులు విడుదల కాకపోవడంతో ఆర్థికంగా ఇబ్బందులు ఎదురవుతున్నాయని డిగ్రీ, పీజీ కళాశాల యాజమాన్య సంఘాలు తెలిపాయి. ఈ మేరకు ఉన్నత విద్యా మండలి చైర్మన్ జిట్టా బాలకిష్టారెడ్డిని కలిసి చర్చర్యలు జరిపారు.
