BIKKI NEWS (FEB. 06) : తెలంగాణ రాష్ట్రంలో మరో 455 మంది జూనియర్ పంచాయతీ కార్యదర్శులను( REGULARIZATION OF Junior Panchayathi secretaries) గ్రేడ్‌-4 పంచాయతీ కార్యదర్శులుగా క్రమబద్ధీకరిస్తూ ప్రభుత్వం తాజాగా ఉత్తర్వులు జారీ చేసింది.
రాష్ట్రంలో మొత్తం 9,355 మంది జేపీఎస్‌లు ఉండగా.. వారిలో అర్హతలుండి, నాలుగేళ్ల సర్వీసు పూర్తి చేసుకున్న 6,603 మందిని గ్రేడ్‌-4 పంచాయతీ కార్యదర్శులుగా క్రమబద్ధీకరించేందుకు ప్రభుత్వం నిర్ణయించింది.
గత డిసెంబరు 31 నాటికి 4,007 మందిని గ్రేడ్‌-4 కార్యదర్శులుగా క్రమబద్ధీకరించగా, తాజాగా మరో 455 మందికి అర్హతలు రావడంతో వారినీ ఈ జాబితాలో చేర్చింది. మరో 2,141 మందిని వచ్చే అక్టోబరు నాటికి క్రమబద్ధీకరించే అవకాశముంది.
