BIKKI NEWS (SEP. 22) : Teachers suspended and files pocso act. కాల్వశ్రీరాంపూర్ మండలం తారుపల్లి హైస్కూల్లో 6వ తరగతి విద్యార్థినులతో అసభ్యకరంగా ప్రవర్తించిన ఇద్దరు ఉపాధ్యాయులపై సస్పెన్షన్ వేటు పడింది. అలాగే వీరిపై పోక్సో కేసు నమోదు చేశారు.
Teachers suspended and files pocso act
ఉపాధ్యాయులు పీ సదానందం (ఎస్ఏ ఇంగ్లిష్), అబ్దుల్ ఖాద్రి (ఎస్ఏ బయోసైన్స్)ను కలెక్టర్ ఆదేశాల మేరకు శనివారం సస్పెండ్ చేస్తూ ఇన్చార్జి డీఈవో జనార్దన్రావు ఉత్తర్వులు జారీ చేశారు.
ఈ ఇద్దరు ఉపాధ్యాయులు తమతో కొంతకాలంగా అసభ్యంగా ప్రవర్తిస్తున్నారని విద్యార్థినులు ఈ నెల10న హెచ్ఎంకు ఫిర్యాదు చేశారు. ఇంట్లోనూ చెప్పడంతో తల్లిదండ్రులు ఆగ్రహించి, ఈ నెల 12న పాఠశాలకు వచ్చి ఉపాధ్యాయుడు సదానందంకు దేహశుద్ధి చేశారు. మరో ఉపాధ్యాయుడు ఖాద్రి ముందే ఊహించి విధులకు లీవ్ పెట్టాడు. దీనిపై డీఈవో స్పందించి, ఈ నెల 13న తారుపల్లి పాఠశాలలో విచారణ జరిపి, నివేదికను కలెక్టర్ కు పంపించారు. కలెక్టర్ ఆదేశాల మేరకు ఇద్దరు టీచర్లను సస్పెండ్ చేసినట్టు పత్రికా ప్రకటన విడుదల చేశారు.
కాగా తల్లిదండ్రుల ఫిర్యాదు మేరకు కాల్వశ్రీరాంపూర్ పోలీసులు ఆ ఇద్దరు ఉపాధ్యాయులపై పోక్సో కేసు నమోదు చేశారు.
