BIKKI NEWS (SEP. 18) : ASIA CHAMPIONS HOCKEY TROPHY 2024 WON BY INDIA. ఆసియా ఛాంపియన్స్‌ హాకీ ట్రోఫీ 2024 విజేతగా భారత జట్టు నిలిచింది. వరుసగా రెండోసారి ఈ టైటిల్‌ని టీమిండియా నిలుబెట్టుకుంది.. మొత్తం మీద ఐదుసార్లు ట్రోఫీని నెగ్గింది.
ASIA CHAMPIONS HOCKEY TROPHY 2024 WON BY INDIA
ఫైనల్‌ మ్యాచ్‌లో చైనాపై 1-0 తేడాతో విజయం సాధించింది. ఫైనల్‌లో జుగ్‌రాజ్‌ సింగ్ నాల్గో క్వార్టర్‌లో తొలి గోల్‌ను చేయడంతో టీమిండియా ఆధిక్యంలోకి వెళ్లింది. ఆ తర్వాత ప్రత్యర్థికి ఛాన్స్‌ ఇవ్వకుండా కెప్టెన్ హర్మన్ప్రీత్ సింగ్ నేతృత్వంలోని బృందం కప్‌ని సొంతం చేసుకున్నది.
ఆసియా ఛాంపియన్స్‌ హాకీ టైటిల్‌ని భారత్ ఇప్పటి వరకు ఐదుసార్లు నెగ్గింది. ఆ తర్వాత పాకిస్థాన్ మూడుసార్లు ట్రోఫీని కైవసం చేసుకున్నది. 2021లో దక్షిణ కొరియా టైటిల్‌ని నెగ్గింది.
చైనా ఫైనల్‌కు చేరుకోవడం ఇదే తొలిసారి. టోర్నీ చరిత్రలోనే తొలిసారిగా అత్యుత్తమంగా ఫైనల్‌కు చేరింది. భారత్ గ్రూప్‌ దశలో జపాన్‌ను 5-1 తేడాతో ఓడించింది. చైనాను 3-0, మలేషియాపై 8-1, దక్షిణ కొరియాను 3-1, చిరకాల ప్రత్యర్థి పాకిస్థాన్‌పై ఉత్కంఠ పోరులో 2-1 తేడాతో విజయం సాధించింది. సెమీ ఫైనల్స్‌లో దక్షిణ కొరియాపై 4-1 తేడాతో విజయం సాధించింది. హర్మన్ప్రీత్ సింగ్ నేతృత్వంలోని జట్టు చరిత్రలో తొలిసారిగా వరుసగా బ్యాక్‌ టు బ్యాక్‌ ఎడిషన్స్‌లో టైటిల్స్‌ను నిలబెట్టుకున్నది.
గతేడాది చెన్నైలో జరిగిన సమ్మిట్‌లో మలేషియాను 4-3తో ఓడించి సొంతగడ్డపై టైటిల్‌ను నెగ్గింది. గతంలో 2021, 2016లో భారత్ ట్రోఫీని నెగ్గింది. భారత కెప్టెన్ హర్మన్ప్రీత్ సింగ్ ఏడు గోల్స్‌తో పోటీలో అత్యధిక గోల్స్ చేసిన రెండో ఆటగాడిగా నిలువగా.. దక్షిణ కొరియాకు చెందిన యాంగ్ జి-హున్ అగ్రస్థానంలో నిలిచాడు.
