VTG CET 2023 : 5వ తరగతి గురుకుల ప్రవేశ నోటిఫికేషన్ విడుదల

హైదరాబాద్ (ఫిబ్రవరి – 09) : తెలంగాణ ప్రభుత్వం బడుగు బలహీన వర్గాలకు చెందిన విద్యార్థినీ, విద్యార్థులకు అభివృద్ధి చెందిన ఇతర వర్గాల పిల్లలతో సమానంగా నాణ్యమైన విద్యను అందిస్తూ వారిలో సహజ సిద్దమైన నైపుణ్యాలను వెలికితీస్తూ ఆ విద్యార్థులను 21వ శతాబ్దపు సవాళ్ళను ధీటుగా ఎదుర్కొవడానికి సిద్ధం చేస్తుంది. ఈ లక్ష్యంతో SC, ST, BC మరియు జనరల్ గురుకుల పాఠశాలలను సంక్షేమ శాఖ ద్వారా రాష్ట్ర వ్యాప్తంగా నెలకొల్పింది. ఇంగ్లీష్ మీడియంలో విజయవంతంగా నడుస్తున్న ఈ గురుకుల పాఠశాలల్లో 5వ తరగతిలో ప్రవేశమునకై VTG CET 2023 నోటిఫికేషన్ జారీ చేశారు.

◆ దరఖాస్తు విధానం : ఆన్లైన్

◆ దరఖాస్తు ప్రారంభం తేదీ : ఫిబ్రవరి – 09 – 2023

◆ దరఖాస్తు చివరి తేదీ : మార్చి – 06 – 2023

◆ దరఖాస్తు ఫీజు : 100/-

◆ ప్రవేశ పరీక్ష తేదీ : ఎప్రిల్ – 23 – 2023 (ఉదయం 11.00 గంటల నుండి మధ్యాహ్నం 01.00 గంట వరకు)

◆ అభ్యర్థులకు సూచనలు

1. అభ్యర్థులు తమ అర్హతలను పరిశీలించుకుని తేదీ 09-02-2023 నుండి 06-03-2023 వరకు ఆన్లైన్ లో రూ.100/- రుసుము చెల్లించి దరఖాస్తు చేసుకొనవచ్చును. ఒక ఫోన్ నంబర్లో ఒక దరఖాస్తు మాత్రమే చేయవచ్చును.
2. వేరేవారి ఫోటోలు పెట్టి దరఖాస్తు చేసినచో అట్టివారిపై సెక్షన్ 416 ఆఫ్ IPC1860 ప్రకారం క్రిమినల్ చర్యలు చేపట్టబడును.
3. విద్యార్థుల ఎంపికకు “పాత జిల్లా” ఒక యూనిట్ గా పరిగణింపబడుతుంది.
4. ఇతర సమాచారం కొరకు హెల్ లైన్ నెంబర్ 180042545678 ని లేదా ప్రాస్పెక్టస్ “పేర్కొన్న సంబంధిత జిల్లా ప్రధానాచార్యులను ఫోన్లో సంప్రదించవచ్చు (ఉ.10.30 గంటల నుండి సా॥ 5.00 గంటల వరకు)
5. 2022-2023 విద్యా సంవత్సరంలో 4వ తరగతి చదువుతున్న విద్యార్థినీ, విద్యార్థులు మాత్రమే దరఖాస్తు చేసుకోవడానికి అర్హులు. (విద్వార్థినీ / విద్యార్థులు ఈ సంవత్సరం 4వ తరగతి చదువుతున్నట్లుగా ధ్రువీకరణ పత్రాన్ని అనగా బోనఫైడ్ /స్టడీ సర్టిఫికెట్ను అప్లోడు చేయవలసి ఉంటుంది.)

◆ వెబ్సైట్ లు :
http://tswreis.ac.in (లేదా) http://tgtwgurukulam.telangana.gov.in (లేదా) http:/mjptbcwreis.telangana.gov.in (లేదా) http:/tgcet.cgg.gov.in