UPSC : 1,105 పోస్టులతో సివిల్స్ పూర్తి నోటిఫికేషన్ & సిలబస్

న్యూడిల్లీ (ఫిబ్రవరి – 01) : యూనియన్ పబ్లిక్ సర్వీస్ కమిషన్ (UPSC) 1,105 సివిల్ సర్వీసెస్ పోస్టులను భర్తీ చేయడానికి సివిల్ సర్వీసెస్ ఎగ్జామినేషన్ (CSE – 2023) నోటిఫికేషన్ విడుదల చేసింది. ఏదైనా బ్యాచిలర్ డిగ్రీ అర్హత కలిగి ఉన్న అభ్యర్థులు ఈ పోస్టులకు దరఖాస్తు చేసుకోవచ్చు.

◆ అర్హతలు : ఏదైనా బ్యాచిలర్ డిగ్రీ లేదా తత్సమాన కోర్సులో ఉత్తీర్ణత సాధించి ఉండాలి. డిగ్రీ చివరి సంవత్సరం చదువుతున్న అభ్యర్థులు కూడా అర్హులే.

◆ వయోపరిమితి : అభ్యర్థుల వయసు 01-08-2023 నాటికి 21 ఏళ్లు నిండి ఉండాలి. అలాగే 32 ఏళ్లు మించకుండా ఉండాలి. అంటే 02-08-1991 నుంచి 01-08-2002 మధ్య జన్మించి ఉండాలి. రిజర్వ్ కేటగిరీకి వయోపరిమితిలో సడలింపు ఉంటుంది.

◆ ఏపీ, తెలంగాణలలో పరీక్ష కేంద్రాలు: అనంతపురం, హైదరాబాద్, తిరుపతి, విజయవాడ, విశాఖపట్నం, వరంగల్.

◆ దరఖాస్తులు ప్రారంభం : 01.02.2023.

◆ దరఖాస్తులకు చివరి తేదీ : 21.02.2023.

◆ దరఖాస్తు సవరణ తేదీలు: 22.02.2023 నుంచి 28.02.2023 వరకు.

◆ ప్రిలిమ్స్ పరీక్ష తేదీ : 28.05.2023.

◆ అటెంప్టుల సంఖ్య : జనరల్ కు ఆరు, ఓబీసీలు,దివ్యాంగుల(జీఎల్, ఈడబ్ల్యూఎస్, ఓబీసీ)కు తొమ్మిది సార్లు అవకాశం ఉంది. ఎస్సీ/ ఎస్టీ అభ్యర్థులకు అపరిమితం.

◆ ఎంపిక విధానం : రాత పరీక్ష (ప్రిలిమ్స్, మెయిన్స్),ఇంటర్వ్యూ, రూల్ ఆఫ్ రిజర్వేషన్ ఆధారంగా అభ్యర్థులను ఎంపిక చేస్తారు.

◆ దరఖాస్తు విధానం : ఆన్లైన్ ద్వారా

◆ దరఖాస్తు ఫీజు : ఓబీసీ/ ఇతర అభ్యర్థులకు రూ.100/- (ఎస్సీ/ ఎస్టీ/ పీడబ్ల్యూడీ అభ్యర్థులకు ఫీజు మినహాయింపు ఉంటుంది).

◆ పరీక్ష విధానం : ప్రిలిమినరీ పరీక్షలో రెండు పేపర్లుంటాయి. ఒక్కో పేపర్ కు 2 గంటల్లో 200 మార్కులకు ఉంటుంది. ఉదయం, మధ్యాహ్నం రెండు సెషన్లలో ఈ పరీక్షలుంటాయి. రెండు పేపర్లలో ప్రశ్నలు ఆబ్జెక్టివ్ టైప్ మల్టిపుల్ ఛాయిస్ రూపంలో ఉంటాయి. రెండో పేపర్ జనరల్ స్టడీస్ క్వాలిఫైయింగ్ పేపర్ గా ఉంటుంది. దీనిలో 33 శాతం అర్హత సాధించాల్సి ఉంటుంది. నెగెటివ్ మార్కింగ్ కూడా ఉంటుంది. ప్రిలిమ్స్ అర్హత సాధించిన అభ్యర్థులను మెయిన్స్ రాయడానికి అనుమతిస్తారు.

మెయిన్స్ పరీక్షలు మొత్తం 1,750 మార్కులకు ఉంటుంది. చివరిగా పర్సనాలిటీ టెస్ట్ (ఇంటర్వ్యూ) 275 మార్కులకు ఉంటుంది. మొత్తం 2025 మార్కులకు యూపీఎస్సీ పరీక్షలు నిర్వహిస్తుంది.

◆ పోస్టుల వివరాలు :

ఇండియన్ అడ్మినిస్ట్రేటివ్ సర్వీస్
ఇండియన్ ఫారిన్ సర్వీస్
ఇండియన్ పోలీస్ సర్వీస్
ఇండియన్ ఆడిట్ అండ్ అకౌంట్స్ సర్వీస్, గ్రూప్ ‘ఎ’
ఇండియన్ సివిల్ అకౌంట్స్ సర్వీస్, గ్రూప్ ‘ఎ’
ఇండియన్ కార్పొరేట్ లా సర్వీస్, గ్రూప్ ‘ఎ’
ఇండియన్ డిఫెన్స్ అకౌంట్స్ సర్వీస్, గ్రూప్ ‘ఎ’
ఇండియన్ డిఫెన్స్ ఎస్టేట్స్ సర్వీస్, గ్రూప్ ‘ఎ’
ఇండియన్ ఇన్ఫర్మేషన్ సర్వీస్, గ్రూప్ ‘ఎ’
ఇండియన్ పోస్టల్ సర్వీస్, గ్రూప్ ‘ఎ’
ఇండియన్ పి&టి అకౌంట్స్ అండ్ ఫైనాన్స్ సర్వీస్, గ్రూప్ ‘ఎ’
ఇండియన్ రైల్వే ప్రొటెక్షన్ ఫోర్స్ సర్వీస్, గ్రూప్ ‘ఎ’
ఇండియన్ రెవెన్యూ సర్వీస్ (కస్టమ్స్ & ఇన్ డైరెక్ట్ ట్యాక్సెస్) గ్రూప్ ‘ఎ’
ఇండియన్ రెవెన్యూ సర్వీస్ (ఇన్కం ట్యాక్స్ గ్రూప్
ఇండియన్ ట్రేడ్ సర్వీస్, గ్రూప్ ‘ఎ’ (గ్రేడ్-3)
ఇండియన్ రైల్వే మేనేజ్మెంట్ సర్వీస్, గ్రూప్ ‘ఎ’
ఆర్మ్ ఫోర్సెస్ హెడ్ క్వార్టర్స్ సివిల్ సర్వీస్, గ్రూప్ ‘బి’ (సెక్షన్ ఆఫీసర్ గ్రేడ్)
దిల్లీ, అండమాన్ అండ్ నికోబార్ దీవులు, లక్షద్వీప్, డామన్ అండ్ డయ్యూ, దాద్రా అండ్ నగర్ హవేలీ సివిల్ సర్వీస్, గ్రూప్ ‘బి’
దిల్లీ, అండమాన్ అండ్ నికోబార్ దీవులు, లక్షద్వీప్, డామన్ & డయ్యూ, దాద్రా అండ్ నగర్ హవేలీ పోలీస్ సర్వీస్, గ్రూప్ ‘బి’
పాండిచ్చేరి సివిల్ సర్వీస్, గ్రూప్ ‘బి’
పాండిచ్చేరి పోలీస్ సర్వీస్, గ్రూప్ ‘బి’