వర్గల్ (నవంబర్ 08) : Siddipet DIEO Ravinder Reddy Visited GJC Wargal. ప్రభుత్వ జూనియర్ కళాశాల వర్గల్ ను ఈరోజు సిద్దిపేట డిఐఈఓ శ్రీ రవీందర్ రెడ్డి ఆకస్మికంగా తనిఖీ చేశారు. ఈ సందర్భంగా కళాశాల ప్రిన్సిపాల్ వెంకటేశ్వర్లు అధ్యాపక, అధ్యాపకేతర బృందంతో కలిసి డిఐఓవోకు చిరు సన్మానం చేయడం జరిగింది.
Siddipet DIEO Ravinder Reddy Visited GJC Wargal.
ఈ సందర్భంగా కళాశాలలో అన్ని రికార్డులను డీఐఈవో తనిఖీ చేసి సంతృప్తి వ్యక్తం చేశారు. అలాగే కళాశాల అధ్యాపకులకు సలహాలు, సూచనలు ఇచ్చారు. వచ్చే విద్యా సంవత్సరంలో అడ్మిషన్లు మరియు ఫలితాలను మరింతగా పెంచాలని సూచించారు.
విద్యార్థిని, విద్యార్థులు చదువు పట్ల శ్రద్ద వహించాలని, 100% ఉతీర్ణత సాధించాలని సూచించారు. అలాగే సెల్ ఫోనులకు, సోషల్ మీడియాకు, మాదక ద్రవ్యాలకు దూరంగా ఉండి లక్ష్యాన్ని ఏర్పరచుకొని జీవితంలో ముందుకు సాగాలని పేర్కొన్నారు.
ఈ సందర్బంగా వర్గల్ జూనియర్ కళాశాలలో ఏర్పాటు చేసిన బుక్ ఎగ్జిబిషన్ ను డీఐఈవో గారు ప్రారంభించారు. ఈ కార్యక్రమంలో కళాశాల ప్రిన్సిపాల్ వెంకటేశ్వర్లు, అధ్యాపక, అధ్యాపకేతర బృందం పాల్గొన్నారు.
