BIKKI NEWS (JUNE 23) : INTERNATIONAL OLYMPIC DAY JUNE 23rd. అంతర్జాతీయ ఒలింపిక్ కమిటీ ఏర్పాటుకు గుర్తుగా ప్రతి సంవత్సరం జూన్ 23న ‘అంతర్జాతీయ ఒలింపిక్ దినోత్సవం’గా నిర్వహిస్తారు. 1948లో స్విట్జర్లాండ్ లో జరిగిన ఐఓసీ 42వ సమావేశంలో ఏటా జూన్ 23న ‘అంతర్జాతీయ ఒలింపిక్ దినోత్సవం’గా నిర్వహించాలని తీర్మానించారు.
INTERNATIONAL OLYMPIC DAY JUNE 23rd.
ప్రపంచంలోనే అతి పెద్ద క్రీడా పండుగగా ఒలింపిక్స్ ను పేర్కొంటారు. ప్రపంచ వ్యాప్తంగా ఉన్న అన్ని దేశాలు ఈ పోటీల్లో పాల్గొంటాయి.
ఒలింపిక్ గేమ్స్ సాదరణంగా ప్రతి నాలుగేళ్లకోసారి జరుగుతాయి. లింగం, వయసు, క్రీడాకారుల సామర్థ్యం అనే వివక్ష లేకుండా అందరూ క్రీడల్లో పాల్గొనేలా ప్రోత్సహించడం ఈ రోజు ముఖ్య ఉద్దేశం..
ఆధునిక ఒలింపిక్స్ చరిత్రలో 33వ క్రీడలు 2024, జులై 26 నుంచి ఆగస్టు 11 వరకు పారిస్ లో జరిగాయి. అమెరికా (126), చైనా (91)తో మొదటి రెండు స్థానాల్లో నిలవగా, భారత్ 1 రజతం, 5 కాంస్యాలు నెగ్గి మొత్తం 6 పతకాలతో 71వ స్థానంలో ఉంది.
చరిత్ర
ఒలింపిక్స్ క్రీడలు . . 776 నాటివి. గ్రీస్ లోని ఒలంపియాను వీటికి పుట్టినిల్లుగా పేర్కొంటారు. అప్పట్లో వీటిని జ్యూస్ దేవుడి గౌరవార్థం మతపరమైన వేడుకగా ప్రతి నాలుగేళ్లకోసారి నిర్వహించేవారు.
క్రీ.శ.393 వరకు ఇవి జరిగినట్లు చారిత్రక ఆధారాలున్నాయి. అయితే యుద్దాలు, ఇతర కారణాల వల్ల ఇవి నిలిచిపోయాయి.
ఫ్రెంచ్ చరిత్రకారుడు బారన్ పియరీ కూబెర్టిన్ ఒలింపిక్ క్రీడలను పునరుద్ధరించాలని భావించి, 1894, జూన్ 23న అంతర్జాతీయ ఒలింపిక్ కమిటీ (ఐఓసీ)ని ఏర్పాటు చేశారు. మొదటి ఆధునిక ఒలింపిక్ క్రీడలు 1896, ఏప్రిల్ 6 నుంచి 14 వరకు గ్రీస్ లోని ఏథెన్స్ లో జరిగాయి.
- AP DSC 2025 PRELIMINARY KEY. కోసం క్లిక్ చేయండి
- ISRO JOBS – హైదరాబాద్ లో ఇస్రో జాబ్స్
- IRAN ISRAEL WAR – యుద్దంలోకి యెమెన్
- RATION CARDS – రేషన్ కార్డుల అనర్హులు 76,842 మంది
- ప్రభుత్వ జూనియర్ కళాశాలలకు డిజిటల్ బోర్డు లు
