రంగారెడ్డి(జూలై – 19) : తెలంగాణ ఇంటర్మీడియట్ కమీషనర్ ఆదేశాల మేరకు రంగారెడ్డి జిల్లాలోని ప్రభుత్వ జూనియర్ కళాశాలలో ఖాళీగా ఉన్న జూనియర్ లెక్చరర్ పోస్టులను అతిధి అధ్యాపకుల చేత భర్తీ చేయడానికి జిల్లా ఇంటర్మీడియట్ విద్యాధికా‌రి కార్యాలయం ప్రకటన విడుదల చేసింది.
ప్రభుత్వ జూనియర్ కళాశాలల్లో వివిధ సబ్జెక్టులలో ఖాళీగా ఉన్న 73 పోస్టులను భర్తీ చేయడానికి దరఖాస్తులు ఆహ్వానిస్తున్నారు.
పీజీ అర్హత కలిగిన అభ్యర్థులు రంగారెడ్డి జిల్లా ఇంటర్మీడియట్ విద్యాధికా‌రి కార్యాలయం యందు జూలై 24 సాయంత్రం 5.00 గంటల లోపల దరఖాస్తు చేసుకోగలరు.
పదో తరగతి నుంచి పీజీ వరకు సర్టిఫికెట్ లు, కులం & లోకల్ ఏరియా సర్టిఫికెట్ లతో దరఖాస్తు ఫారం సమర్పించాలి.
కలెక్టర్, జాయింట్ కలెక్టర్, ప్రిన్సిపాల్ లతో కూడిన కమిటీ అభ్యర్థులను ఎంపిక చేయనుంది.
పీజీ లో సాదించిన మెరిట్ ఆధారంగా అభ్యర్థులను ఎంపిక చేయనున్నారు. ఎంపికైన అభ్యర్థులు సంబంధించిన కళాశాలలో ఆగస్టు 28 నాడు ఎంపిక జాబితా విడుదల చేయనున్నారు. ఆగస్టు 01 – 2023 న రిపోర్ట్ చేయాల్సి ఉంటుంది.
★ ఖాళీల వివరాలు :
బీహెఈఎల్ ప్రభుత్వ జూనియర్ కాలేజీలో ఇంగ్లిష్, మ్యాథ్స్, ఫిజిక్స్ (2 పోస్టుల చొప్పున), సంస్కృతం, జువాలజీ పోస్టులు… చేవెళ్ల కాలేజీలో బోటనీ, కామర్స్, హిందీ, పొలిటికల్ సైన్స్,… ఇబ్రహీంటప్నంలో హిస్టరీ,… కందుకూరులో జువాలజీ…, కొత్తపేట కాలేజీలో ఇంగ్లిష్, ఫిజిక్స్, జువాలజీ,… మాడుగుల బోటనీ, కెమిస్ట్రీ, ఎకానమిక్స్, మ్యాథ్స్, ఫిజిక్స్, ఇంగ్లిష్, పొలిటికల్ సైన్స్,
కామర్స్…, మహేశ్వరం జూనియర్ కాలేజీల్లో బోటనీ, కామర్స్, హిందీ…, మంచాల జూనియర్ కాలేజీలో ఎకానమిక్స్, హిందీ, జువాలజీ…., మెగిలిగిద్దలో బోటనీ, ఎకానమిక్స్, మ్యాథ్స్, పాలిటికల్ సైన్స్…., రాయదుర్గంలో ఎకానమిక్స్, మ్యాథ్స్, జువాలజీ, తెలుగు… , రాజేంద్రనగర్ లో బోటనీ, హిందీ, మ్యాథ్స్, జువాలజీ…., సరూర్ నగర్ లో ఎకానమిక్స్, బోటనీ…, షాద్ నగర్ లోళమ్యాథ్స్, హిందీ, ఎకానమిక్స్…, శంషాబాద్ లో ఫిజిక్స్…, యాచారం జూనియర్ కళాశాలలో ఇంగ్లీష్, ఎకానమిక్స్, మ్యాథ్స్, జువాలజీ సబ్జెక్టులలో ఖాళీలు కలవు. అలాగే ఒకేషనల్ కోర్సుల్లోను 12 పోస్టుల కలవు.
