జనగామ (జూలై – 19) : తెలంగాణ ఇంటర్మీడియట్ కమీషనర్ ఆదేశాల మేరకు జనగామ జిల్లాలోని ప్రభుత్వ జూనియర్ కళాశాలలో ఖాళీగా ఉన్న జూనియర్ లెక్చరర్ పోస్టులను అతిధి అధ్యాపకుల చేత భర్తీ చేయడానికి జిల్లా ఇంటర్మీడియట్ విద్యాధికా‌రి కార్యాలయం ప్రకటన విడుదల చేసింది.
ప్రభుత్వ జూనియర్ కళాశాలల్లో వివిధ సబ్జెక్టులలో ఖాళీగా ఉన్న 33 పోస్టులను భర్తీ చేయడానికి దరఖాస్తులు ఆహ్వానిస్తున్నారు.
జనగామ ప్రభుత్వ బాలికల జూనియర్ కళాశాలలో (11) ఇంగ్లిష్, హిందీ, గణితం, భౌతిక శాస్త్రం, రసాయన శాస్త్రం, జంతు శాస్త్రం, జీఎఫ్సీ ఒకేషనల్ కళాశాలలో తెలుగు, భౌతిక శాస్త్రం (ఉర్దూ మాద్యమం), జంతు శాస్త్రం, వాణిజ్య శాస్త్రం… స్టేషన్ ఘన్పూర్ జూనియర్ కళాశాలలో (7) తెలుగు, హిందీ, గణితం, భౌతిక శాస్త్రం, రసాయన శాస్త్రం, ఆర్థిక శాస్త్రం, నర్మెట జూనియర్ కళాశాలలో (5) తెలుగు, భౌతిక శాస్త్రం, ఆర్థికశాస్త్రం, పౌర శాస్త్రం, వాణిజ్య శాస్త్రం, దేవరుప్పుల జూనియర్ కళాశాలలో(5) తెలుగు, రసాయన శాస్త్రం, జంతు శాస్త్రం, ఒకేషనల్ విభాగంలో ఎంఎల్టీ, ఎంపీహెచ్ డబ్ల్యు, కొడకండ్ల జూనియర్ కళాశాలలో (3) భౌతిక శాస్త్రం, రసాయనశాస్త్రం, వాణిజ్య శాస్త్రం, జఫర్‌ఘడ్ ప్రభుత్వ జూనియర్ కళాశాలలో (2) గణితం, వృక్ష శాస్త్రం పోస్టులు ఖాళీగా ఉన్నాయి.
పీజీ అర్హత కలిగిన అభ్యర్థులు జనగామ జిల్లా ఇంటర్మీడియట్ విద్యాధికా‌రి కార్యాలయం యందు జూలై 24 సాయంత్రం 5.00 గంటల లోపల దరఖాస్తు చేసుకోగలరు.
పదో తరగతి నుంచి పీజీ వరకు సర్టిఫికెట్ లు, కులం & లోకల్ ఏరియా సర్టిఫికెట్ లతో దరఖాస్తు ఫారం సమర్పించాలి.
కలెక్టర్, జాయింట్ కలెక్టర్, ప్రిన్సిపాల్ లతో కూడిన కమిటీ అభ్యర్థులను ఎంపిక చేయనుంది.
పీజీ లో సాదించిన మెరిట్ ఆధారంగా అభ్యర్థులను ఎంపిక చేయనున్నారు. ఎంపికైన అభ్యర్థులు సంబంధించిన కళాశాలలో ఆగస్టు 28 నాడు ఎంపిక జాబితా విడుదల చేయనున్నారు. ఆగస్టు 01 – 2023 న రిపోర్ట్ చేయాల్సి ఉంటుంది.
Comments are closed.