మధిర (డిసెంబర్ – 13) : మధిర మండలం కృష్ణాపురం గ్రామానికి చెందిన డాక్టర్ గుజ్జు గాంధీకి “ది బెస్ట్ యంగ్ సైంటిస్ట్ అవార్డు” ను కాలికట్ యూనివర్సిటీ, కేరళ (Gujju Gandhi Best Young Scientist Award 2023) అందజేసింది.
గుజ్జు గాందీ మలేరియా మరియు మెడికల్ ఎంటమాలజీ విభాగంలో చేసిన అసమాన పరిశోధనలకు గాను ఈ అవార్డు అందజేయడం జరిగింది. 21 రాష్ట్రాలలో మలేరియా మరియు మెడికల్ ఎంటమాలజీకి సంబంధించిన ట్రెయినింగ్ ఇవ్వడం జరిగింది. ప్రస్తుతం గాంధీ కేంద్ర ప్రభుత్వం సంస్థ అయిన CSIR నేషనల్ ఎన్విరాన్‌మెంటల్ ఇంజనీరింగ్ రీసెర్చ్ ఇనిస్టిట్యూట్ – నాగపూర్ లో సైంటిస్ట్ గా పని చేస్తున్నారు.
ఈ సందర్భంగా గాంధీ సంతోషం వ్యక్తం చేశారు. తాను ఈ స్థితికి రావడానికి ఖమ్మంలో సీనియర్ అసిస్టెంట్ గా పని చేస్తున్న తన భార్య యం. ప్రీతి, కుటుంబ సభ్యుల, గురువుల పాత్ర ఎంతో ఉందని తెలిపారు.
